Bensinprisar

Det er ikkje noko vi kan spare så mykje på som å kjøpe billeg bensin.

På heimtur frå Lemonsjøen køyrde vi forbi Bismo. Der kosta bensinen 11,70. Heldigvis fylte vi ikkje der. På Byrkjelo var nemleg prisen 9,98. Vi fekk presse på 35 liter og trudde vi hadde gjort eit scoop. Den gong ei. På Vassenden kosta den 9,56. Faktisk billegare enn i byen. Heile 70kr sparte vi på å fylle vestom fjella.

Men kor mykje kostar ei pølse og ei brus som vi ofte kjøper når vi først er innom stasjonen?

Korleis var ordtaket: Vinninga går opp i .........

Det gode liv i Jotunheimen

For 3 år sidan flytta vi inn i hytta på Lemonsjøen. Vi kallar det hytta sjølv om vi bur i ein 6-mannsbustad. Andre kallar det gjerne fritidsbustad. I alle fall har dette blitt friplassen vår. Det tek oss 4 timar å køyre dit. Litt i lengste laget, men det går bra når vi først er i bilen.

I helga var vi på tur. Saman med gode vener frå Eplehagen vart det både nedover og bortoverski i strålande vindstille vér.

Kan vi ha det betre?

Ein god kveld!

Har du sett Tele2 reklamen?

Nattmanøver

Halbrendsnipa låg bada i snø og sol. Freistinga på veg heim frå jobb ein fredag ettermiddag var stor. Øyvind var ikkje sein om å be. Tanken om pudderturen på Fauskevarden sist helg låg friskt i minnet. Men mykje skal ordnast, og før vi kom oss avgarde var det ikkje meir sol på vår side av fjellet. Opp frå Halbrendstøylen var det hardt og fint å gå. Vekegamle spor leia oss opp gjennom skogen. Men det er først neste helg vi skal stille klokka, og det skymdest raskare enn vi hadde tenkt. På toppen var det fortsatt hardt. Pudderen frå sist helg var vekke. Faktisk så hardt at vi pingla oss ned igjen i halvmørket med fellane på. Nede på Halbrendstøylen var det godt med hodelykt. 113 ringte og lurte på kvar vi vart av. Vi kunne berolege Torunn med at vi var på veg. Men turen var fin den!

Snikkar Martin

Far min er snikkar. Han er eigentleg pensjonert rektor. Men han var også snikkar medan han var rektor. Han var faktisk snikkar som rektor. Ein ting var at han måtte snikre saman timeplaner, ein annan ting var at Breivik skule ikkje hadde eigen vaktmeister og då måtte snikkar/rektor Solemdal trå til.

Far min har eiga snikkarbu. Det er der han brukar mykje av tida si mellom måltida han et saman med mor. Han har eigen vedomn der han kan koke kaffi til karane som kjem innom for ein prat. Eg har også eiga snikkarbu med mykje maskiner og reiskap. Forskjell på meg og far min er at han brukar snikkarbua si.

Far min lagar mykje fint i snikkarbua si. Han har laga mykje møblar til oss borna. No er han kyrkjesnikkar. I dag fekk eg Kyrkjebladet frå Aukra i postkassa. Der var det ei heil side om far min som er kyrkjesnikkar. Då vart eg stolt!

Gutetur til Lemonsjøen

Øyvind meinte at "Mannskap" må vere eit godt alternativ til "ekteskap". Vi skal ikkje dra dette langt, men vi var alle einige om at vi hadde ein gild gutetur til Lemonsjøen denne helga. 2 dagar på nedoverski sette sin spor. Godt lag og eit fantastisk dugnadsmåltid på laurdag kveld var andre høgdepunkt. Dette må vi gjere igjen.