Flott i Førde!

Debatten har igjen gått om kva som er Norge sin styggaste stad. Førde har igjen vore blant dei nominerte. Men kven er det som nominerere, og kven er det som meiner dette?

Vi er mange som bur her i Førde som ikkje opplever det slik. Kva gjer ein plass fin? Er vi glad i noko eller nokon klarer vi kanskje i sterkare grad å leite fram og framelske det gode og det vakre. Kanskje dei som gjer desse vurderingane ikkje har eit slik forhold til Førde.

Dei siste dagane har vi hatt Førdefestival med strålande vér. På laurdag var det opptog med ein frankofil ordførar i spissen. Det er kjekt å kunne vise fram byen vår i ei slik flott ramme, og eg trur det gjer mange av oss stolte.

Mens vi venta på opptoget sat eg på elvekanten saman med Simon (10). Han såg oppover elva og sa: -Du pappa, eg synst Førde er ein fin plass. (Han hadde ikkje fått med seg noko av den foregåande debatten).

Kvitt belte

Simon har tatt eksamen i Kali. Han har fått kvitt belte. Etter treninga i dag kom han stolt heim med eit 5? meter langt belte. Eitt års trening har gitt resultat.

Kali er ein kampsport. Onkel Armando er trenar (og det er vel grunnen til at foreldra lar han få gå der....) Disiplin er viktig og han og kamerat Stian har lært mykje dette året.

Tidlegare denne måndaden hadde dei oppvisning i sentrum.

Jordbær

Så er jordbæra komne! Vi har kjøpt 8 kilo ferske, gode, søte norske jordbær. Ca. 4 kg. vart til sylte. Resten.....
Marte renska og Simon åt. Olga sylta.

Gift halve livet!

I dag feirar eg og Olga 20 års bryllupsdag! Eg har nesten vore gift halve livet!

Statistisk sett høyrer vi vel nesten til mindretalet.

Men det er godt å kjenne at vi framleise er glade i kvarandre.

I dag tidleg vakna vi til frukost på senga. Dei 3 flotte borna våre hadde stått opp sjølv om dei hadde fri! Blomster og fint kort hadde dei også med seg i tillegg til at dei hadde sett inn annonse i Firda.

Det var greitt slik så slapp eg å gå rundt og fortelje det til alle......

Slik såg vi ut for 20 år sidan.

Flotte jenter!

Etter eit lite opphald er bloggaren på nett igjen.
Denne gongen i skrytemodus.

Jentene våre er i ferd med å avrunde skulegang med flott innsats og flotte resultat.

Marte har vore oppe i norsk munnleg og fått ein sterk 5-ar. Flott!
Ho har som søstra søkt media og kommunikasjon ved Mo og Jølster v.g.skule til neste år. Ho går ein spennande sommar i møte fram til ho får vite om ho kjem inn.

Karina er ferdig med media og kommunikasjon på v.g.skule. Ho har vore oppe i munnleg eksamen i media og norsk. Resultat: 2x6!
Karina skal på Karmøy folkehøgskule til hausten. To linjer: Vokal og bistand.

Far har vore til service

Tidlegare år snubla far og brakk lårhalsen. Den første operasjonen gjekk ikkje så bra og etter mange veker med smerte måtte han inn til ny service.

18.mai vart han operert på nytt og fekk satt inn hofteproteste. I dag vart han utskreven frå sjukehus og rapportane er veldig positive. Han køyrde sjølv bilen heim igjen!

Velkomen tilbake på beina!

Strykevott

Øyvind hadde tidlegare i mai eit innlegg om pragmatisk stryking av bunadsskjorter. http://oyvindhostaker.blogspot.com/2007/05/bunadsskjorte.html

Heime hos ho mor kom vi over eit godt hjelpemiddel - strykevott. Med votten på handa kan du stryke på frihand - utan eit einaste svimerke!

I medgang og motgang....

Mitt gamle storlag, Leeds united, spelar neste sesong på 3.nivå i det engelske ligasystemet. Ikkje det at eg har fulgt dei så tett dei siste åra som eg ein gong gjorde, men laget har ein plass langt der inne.
Kva som gjer at ein vel seg det eine eller andre favorittlaget har vel mange forskarar prøvd å finne svar på. For min del kunne det umogleg vere farga på drakta (sjølv om eg er fargeblind).
Men etter regn kjem det alltid sol.......

Eit lite søk på motgang på www.ordtak.no ga desse treffa
Medgangen avslører lastene, motgang dydene.
Søk dine venner oftere i deres motgang enn i deres medgang.
Når vi har medgang, kjenner våre venner oss.
Når vi har motgang, kjenner vi våre venner.
Man er ung så lenge man fortsatt kan lære nye vaner og tåle motgang.
Uten motgang vet en mann neppe om han er hederlig eller ikke.
Kjærligheten blir større og edlere i motgang.
I våre venners motgang finner vi alltid noe vi ikke direkte misliker.
Nesten alle kan tåle motgang, men vil du prøve en manns karakter, så gi ham makt.
Medgang gir venner, men motgang prøver dem.
La oss være ved godt mot, for husk at den motgang som er tyngst å bære, er den som aldri kommer.
Uten motgang ville han aldri kommet så kort.
Til sin venn skal man komme buden i medgang og ubuden i motgang.
Medgang avler motgang.
Den søte melk når motgang svir din hud - filosofi.
En optimist er en som alltid kan se det positive i andres motgang.

Leeds united sin supportarklubb i Norge (desse kan ikkje kallast for medgangs-supportarar):
http://www.luscos.com/view_frontpage.asp

God barnevakt

Den beste barnevakta vi har skaffa oss er DVD i bilen. Før vart Simon både utolmodig og lei når vi var på langtur. No høyrer vi berre ei latterkule inn i mellom.

Elise

I helga har vi vore i Molde og konfirmert fadderbornet vårt, Elise. Ei strålande helg, ein praktfull by og ein flott konfirmant.

Familie på begge sider var fulltallig samla til fest laurdag ettermiddag.

Søndag var det konfirmasjonsgudsteneste i Røbekk kyrkje.

Takk for ei flott helg, Elise!

"Summer-look"

Det nærmar seg sommar og det er på tide å gjere klar "Summer-looken". Ego og Frode nabo vart klipt av Olga ute i hagen i ettermiddag.

Frode nabo skulle i konfirmasjon og hadde fått klar beskjed frå Therese om å fiffe opp sveisen. Ho sat i bakgrunnen og kommanderte.....

Frode nabo var så langhåra at klippemaskina køyrde seg fast og måtte få overhaling.

Men begge var klipt og er no klare for mange, lange, varme sommardagar.

Jenny 100 år!

....og like sprek!

25.april fylte bestemor mi 100 år.

Ho bur fortsatt heime på Aukra i eige hus, og er uforskamma frisk og klar i toppen.

Dagen vart feira med familie i påska.

På sjølve dagen hadde ho ope hus og mange vener, slekningar og naboar tok turen innom.

Og så fekk ho brev frå kongen!

Eg er stolt av bestemor mi!

Grillsesongen i gang

I dag har vi starta grillsesongen. Fantastisk vær med god temperatur i solveggen. Øyvind, Frida og Mats kom på besøk. Torunn måtte jobbe :(

På menyen stod svin, kylling, pølser og bacon. Noko for ein kvar smak. I følge Øyvind ga Olga sin salat ein forsmak på Grekenland.

Eg vil berre gjere merksam på at dette er eit illustrasjonsfoto. Fotografen glimra med sitt fråvær.

Vanskeleg å finne ord....

til å beskrive kor flott det var i Jotunheimen i helga.

Saman med Olga, Marte og Simon har vi hatt ei flott langhelg i Jotunheimen med base på hytta på Lemonsjøen.

Søndag og måndag reiste vi inn på toppen av Valdresflya og gjekk i retning Rasletind. Flott føre, strålande sol og vindstille. Med andre ord: Sommarski!

Vi fann oss base eit stykkje opp i bakken der vi la oss godt til rette med god proviant.

Tysdag reiste vi heim om Sognefjellet der vi stoppa ved Sognefjellshytta.

Spesielt kjekt at ungane også satte pris på dagane. Det er ikkje alle 10.klassingar som vel ski og snø i desse vårdagar. Men det har vel kanskje noko med at brunfargen kjem raskare i høgda....?

Bilete frå soling, tindar, telemarknedslag i hoppbakken m.m. kjem snart.